Úrslitini á síðuni eru skrásett yvir nógv ár, og tí eru tíðirnar ikki allar skrásettar á sama hátt.
Í eldri úrslitum eru seinastu tvey tølini vanliga hundraðpartar av einum sekundi.

Dømi: 08:48.60 = 8 minuttir, 48 sekund og 60 hundraðpartar

Í 2016 síggja tíðirnar út til at vera skrásettar sum 25 myndir um sekundið. Tað merkir, at seinastu tvey tølini eru myndatal/frame, og tey ganga frá 00 til 24.

Frá 2017 og frameftir eru nýggjaru úrslitini upptikin og skrásett við einum tíðtøku- og málskipan, sum eitur 3Play. Skipanin verður brúkt í 50 fps, tað vil siga 50 myndir um sekundið. Her eru seinastu tvey tølini ikki hundraðpartar, men myndatal/frame, og tey ganga frá 00 til 49. Tí kann sama snið, t.d. 02:53.23, merkja nakað ymist alt eftir, hvat ár úrslitið er frá.

Fyri at gera munin millum bátarnar so rættvísan og lættan at lesa sum gjørligt, verður Munur altíð vístur sum vanlig sekund við tveimum desimalum.

Dømi við 50 myndum um sekundið: 02:53.23 til 02:58.03 = 4,60 sekund. Tí verður munurin vístur sum: +04.60

Hetta merkir, at Tíð vísir upprunaligu skrásettu tíðina, meðan Munur vísir útroknaða munin í vanligum sekundum.